MPBL dumalaon sa Chooks-To-Go

GITUGYAN ni Maharlika Pilipinas Basketball League (MPBL) founder Sen. Manny Pacquiao ngadto sa Chooks-To-Go ang katungod sa pagdumala sa basketball operations sa liga, gianunsyo kini kagahapon, Oktubre 25, 2021.

Kini human nagpinirmahay sila si Pacquiao ug Chooks-to-Go president Ronald Mascariñas niadtong Dominggo sa gabii, Oktubre 24, 2021, alang sa ilang panagtambayayong.

“I am elated to have this new partnership given that Chooks-to-Go is a very organized organization, especially in basketball,” opisyal nga pamahayag sa Pambansang Kamao ng Pilipinas.

“I saw the world-class event of their one-day invitational league in San Fernando and I was impressed.”

Gitumbok ni Pacquiao mao ang usa ka adlaw nga Chook-to-Go Pilipinas 3x3 invitational tournament nga gipahigayon sa miaging semana sa San Fernando, Pampanga.

“They are the only group in partnership with FIBA 3x3 in the country. With that, they basically know what they are doing,” dugang ni Pacquiao.

“I am thankful to Kuya Ronald and I can only entrust the MPBL to Chooks-to-Go.”

Ang Chooks-to-Go mipirma og lima ka mga tuig nga kontrata sa MPBL isip major sponsor niadtong Disyembre, 2019. Karon, mas dako nga obligasyon ang pas-anon sa Chooks-To-Go sa pagpadagan sa liga.

“Being a presidential candidate is no easy task and we understand the busy schedule of the senator,” pasabot ni Mascariñas. “That is why we accepted the gargantuan responsibility to take over the full basketball operations of the MPBL.”

Ang MPBL nagplano nga mopahigayon og invitational tournament alang sa ilang miyembrong teams sa dili pa motiklop ang tuig 2021.

Giporma ni Pacquiao ang MPBL niadtong 2017 isip regional, semi-professional basketball league. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph