SECTIONS
Superbalita Cebu
Wednesday, December 01, 2021
SUPERBALITA CEBU

Casimero tak-om sa iyang relasyon sa MP Promotions

NAGPAKAHILOM ra si World Boxing Organization (WBO) bantamweight champion Johnriel Casimero kabahin sa nalubog niyang relasyon sa Manny Pacquiao (MP) Promotions ug nagtutok lang kini sa umaabot niyang away.

Tulo ka mga adlaw gikan sa iyang pag-abot sa Amerika, si Casimero milarga dayon paingon sa Las Vegas alang sa iyang training camp.

Ang gitawag og Quadro Alas gikatakdang modepensa sa iyang korona batok sa mandatory challenger nga si British Paul Butler sa Disyembre 11, 2021 sa wala pa matino nga venue.

Si Casimero gikan sa duha ka mga buwan nga pahuway sa iyang yutang natawhan sa Merida, Leyte human sa iyang malampusong depensa batok kang Cuban Guillermo Rigondeaux.

Pag-abot pa lang niya sa Amerika, nagsugod dayon og ensayo si Casimero sa House of Boxing ug City Boxing, nga parehong nahimutang sa San Diego, California.

Mas hugot nga pagbansaybansay ang buhaton ni Casimer sa Las Vegas.

Wala mohisgot si Casimero kabahin sa panagbikil nila sa MP Promotions ug ig

o lang kining miingon nga madayon ang ilang away ni Butler nga buhian sa bag-ong promotional outfit Probellum. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!