SUPERBALITA CEBU

Manila Bay Dolomite Beach di sirhan, limitahan lang

GISALIKWAY ni Department of Environment and Natural Resources (DENR) Undersecretary Benny Antiporda ang ideya sa pagpasira sa Manila Bay Dolomite Beach ngadto sa publiko human sa liboan ka mga tawo nga nidugok sa lugar niadtong weekend.

Daghang mga tawo ang nakakita sa panagtapok sa Dolomite Beach nga usa ka super-spreader nga kalihokan taliwala sa coronavirus disease 2019 (Covid-19) pandemic.

“Hindi po natin maaaring gawin ‘yun [na isara]. Kung tayo ang gumastos ng ganu’ng napakalaki para lang po isara ‘yan, I don’t think it will be fair to the Filipino people,” matod ni Antiporda sa interbyu sa radyo .

“The Dolomite Beach was opened to relieve the anxiety of the people amid the pandemic, but we will not permit a superspreader. We are recalibrating our system to ensure the safety of our people. We are doing our best to satisfy everybody,” dugang niya .

Matod pa ni Antiporda nga uban sa mga hingtungdan nga ahensya sa gobyerno, sama sa lokal nga kagamhanan sa Manila, ila nang giusab ang guidelines aron masiguro ang kaluwasan sa publiko, ilabina batok sa Covid-19, sa pagbisita sa mga lugar.

Matod niya nga aron masiguro nga sundon sa mga tawo ang minimum nga mga protocol sa kahimsog sa panglawas sa pagbisita sa site, ilang gikonsiderar ang pagpatuman sa usa ka limitasyon sa mga tawo nga makasulod sa baybayon sa parehas nga oras, ingon man ang yugto sa oras nga sila makapuyo didto.

Siya niingon nga ang mga bisita makapabilin lang sa baybayon sulod sa 15 minutos matag batch.

Matod ni Antiporda nga ang Manila LGU magbutang usab og dugang security ug safety officers sa pasilidad aron masiguro nga masunod ang physical distancing.

Si Manila Police District Director Brigadier Leo Francisco miingon nga kapin o kulang 65,000 ka mga tawo ang mibisita sa Dolomite Beach sa katapusan sa semana.

Magbutang sila og daghang mga pulis sa lugar aron mabantayan ang mga tawo, labi na ang mga nakalapas sa minimum nga protocol sa kahimsog.

Ang national government nigasto og P389 milyones alang sa Manila Bay Dolomite Beach project. (TAPM, SunStar Philippines)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!