ANG Philippine Army nangita karon og 1,050 ka mga tawo aron pun-on ang kakuwang sa mga opisyal sa dili pa matapos ang 2021 “to continuously build up a force to advance the organization’s operational gains and finally end the insurgency in the country.”

Kabahin kini sa kinatibuk-ang quota nga 2,109 ka slots alang sa recruitment sa mga opisyal sa kasundalohan karong tuiga.

Ang ahensya migahin sa mosunod nga mga slots:

- 400 ka slots para sa Officer Candidate Course (OCC)

- 400 para sa Officer Preparatory Course Class 73 ug 74

- 100 para sa OCC-Reserve Officer Training Corps

- 100 para sa Call to Active-Duty Tour para sa Training

- 50 alang sa Direktang Komisyon


“This is a great opportunity for everyone, especially the youth who want to serve their fellow Filipinos and our beloved country,” matod ni Lt. Gen. Andres Centino, Philippine Army Commanding General sa ka pamahayag nga gimantala sa Facebook page sa buhatan.

Siya usab miingon nga ang Philippine Army “thoroughly selects the best and the brightest who will be the future leaders of the organization carrying out the noble duty of protecting the peace and stability of the nation.”

Sa Kabisay-an, ang Army Recruitment Office naa sa Camp Lapu-Lapu, Lahug, Cebu City. Ang mga interesado mahimong motawag sa (032) 231-5157 o 0916-640-5919. (PR, NRC)