SUPERBALITA CEBU

Cebu City curfew gisaka sa alas 11:30 sa gabii na

KAPULISAN sa Siyudad sa Sugbo molugway sa pagpakatap sa awtoridad hangtod sa tungang gabii human gisaka ni Cebu City Acting Mayor Michael Rama ang oras sa curfew gikan sa alas 10:00 sa gabii ngadto sa alas 11:30 sa gabii.

Mipagawas og laing executive order si Rama pag saka sa oras sa curfew gikan sa naandan nga alas 10 sa gabii ngadto sa alas 11:30 hangtod sa alas 4:00 sa kaadlawon.

Tungod niini, mo-adjust na usab ang kapulisan sa dakbayan sa ilang pagpakatap sa awtoridad diin kutob sa tungang gabii mag-roving sila aron ma-monitor kung misunod ba gyud ang mga establisamento sa mando sa kagamhanan sa dakbayan sa Sugbo.

Miliuag ang dakbayan human gibutang sa level 2 sa Inter-Agency Task Force ang quarantine classification gikan sa mas estrikto nga protocol nunot sa pag-ubos na sa kaso sa coronavirus disease 2019 (Covid-19) sa milabay nga mga semana.

Matod ni Police Lt. Col. Wilbert Parilla, Deputy City Director for Operation sa Cebu City Police Office (CCPO), nga atol sa pag-roving sa mga imnanan ilang kauban ang business pemit licensing office sa City Hall ug Prevention, Restoration, Order, Beautification and Enhancement (Probe) team aron masiguro nga alas 11:00 pa lang wala nay mo-serve og ilimnon nga makahubog.(AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!