SUPERBALITA CEBU

Lalake nga kanunay manawag sa kalag sa iyang apuhan, naghikog

ULITAWO nga kanunay mosangpit sa ngan sa iyan namatay nga apuhan, naghikog pinaagi sa paghikot sa liog sud sa iyang balay sa Purok 4, Pamintao, Barangay Cogon, dakbayan sa Bogo, alas 8:30 sa buntag sa Dominggo, Oktubre 24.

Si Lou Dugenio Sinilong, 31, ulitawo pintor ug nagpuyo sa nahisgutang lugar, patay na nga napalgan sa iyang higala.

Si Police Staff Sgt. Leliano Pepito, imbestigador sa Bogo Police Station, naasoy sa Superbalita Cebu nga ang biktima hubog niadtong Sabado sa gabii, Oktubre 23, tungod sa panagtagay uban sa mga higala.

Sayo sa buntag sa Dominggo, ang iyang higala nga si Vincent Oliamot niadto sa panimalay niini aron sila mo-duty sa ilang overtime sa trabaho sa pagpamintal.

Pero nakugang si Oliamot, kay nakita niya sa lawak ang biktima nga nagbitay dunay hikot sa liog gamit ang yellow karate belt.

Nangayo og panabang si Oliamot, pero awahi na ang tanan human patay na ang biktima.

Si Police Staff Sgt. Pepito nagkanayon nga naaaang biktima ug dgay na nga gusto nga magpakamatay human mitaliwan ang iyang duha ka apuhan.

“Basta mahubog ni siya sigeg, panawag, singit, sa pangalan sa iyang lola ug lolo, makig-estorya siya nga kuhaa na intawon ko ninyo gikapoy nako sa akong kinabuhi,” dugang ni Pepito.

Gibutyag sa mga higala nga naguol ang biktima human nitaliwan iyang duha ka apuhan niadtong 2019.

Ang mga apuhan sa biktima maoy nagbuhi niini sukad sa iyang pagkatawo

Kini human namatay ang iyang Inahan, og naminyo og lain ang iyang amahan.

Tungod sa iyang pagka depressed, kanunay nga maghisgot nga moapas sa iyang mga apuhan.

Badlungon kini sa mga higala nga dili magsulti og negatibo, manawag sa mga patay aron siya kuhaon.

Pero kun mahubog magsige og panawag sa mga patay.

“Kuyawan sab iyang mga barkada ani niya kay basta mahubog, manawag sa iyang apuhan nga mga Patay, gusto niyang magpakita kay mokuyog na siya,” dugang ni Pepito. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!