GIBILIN nga masuso sa kalibonan duol sa usa ka subdivision sa Barangay Jagobiao, gi-turn-over sa Labangon Reception and Study Center for Children (RSCC) ug sa Department of Social Welfare and Development (DSWD) niadtong Oktubre 23, 2021.

Matod ni Michael Masinas, ang kapitan sa Barangay Jagobiao nga nakit-an ang maong masuso niadtong Oktubre 16, 2021 ug gituohang bag-o pa kining gianak tungod aduna pa dugo og wala pa maputol ang pusod niini.

Sigon niya nga namatikdan ang maong masuso sa gwardya sa Acacia Hills subdivision sa Jagobiao, Mandaue City sayo sa buntag sa Oktubre 16 tungod sa hilak sa bata.

Gisusi niya kini og gitan-aw ang duol sa koral ug didto niya nakita ang masuso, didto na niya gitawagan ang barangay hall.

Sigon ni Masinas nga dali dayon nila kining giadto ug nanawag dayon sila sa Mandaue City Disaster Risk Reduction Management aron madala kini sa ospital. (KFD)