SECTIONS
Superbalita Cebu
Saturday, December 04, 2021
SUPERBALITA CEBU

Haponesa buot moambak sa bridge

MANDAUE-MACTAN BRIDGE: Ang Mandaue-Mactan Bridge maoy unang taytayan nga nagdugtong sa isla sa Mactan tali sa mainland sa Sugbo, diin daghan nang kaso sa hikog pinaagi sa pag-ambak gikan sa taytayan. / SunStar File

USA ka 37 anyos nga Haponesa ang nisuway sa paghunos sa iyang kinabuhi pinaagi sa paglayat sa Mandaue-Mactan bridge niadtong Sabado, Oktubre 25, alas 4:00 sa buntag.

Ang langyaw minyo ug nagpuyo sa Barangay Kamputhaw, dakbayan sa Sugbo.

Sa pakighinabi sa Superbalita Cebu ni PLtCol. Eloveo Marquez, tigpamaba sa Mandaue City Police Office (MCPO), niingon nga nakita ang langyaw nga nagkabyon sa railings sa taytayan sa grupo sa bikers.

Gipugngan kini sa maong grupo ug dali kining nitawag sa buhatan nilang Marquez ug miresponde ang kapulisan sa Opao Police Station.

Base sa ilang imbestigasyon nga ang maomg langyaw naglakaw ra gikan sa ilang balay sa Barangay Kamputhaw hangtod nga naabot siya sa unang bridge.

Sigon ni Marquez nga sa ilang pakighinabi sa langyaw nga gikapoy nga kini sa iyang kinabuhi tungod sa iyang sakit sa thyroid ug diabetes.

Siya nagtrabaho isip usa ka call center agent ug giabison kini sa iyang doktor nga mag-usab sa iyang lifestyle tungod sa iyang sakit.

Tungod niini, nawad-an na og paglaum ang langyaw.

Matod ni Marquez, pag-abot sa bana sa langyaw niingon kini nga ang iyang asawa gusto molayat sa bridge apan wala kini giseryuso sa bana.

Ang Haponesa gipapauli lang una sa ilang balay ug giabisuhan nga pabalikon sa City Social Welfare and Service sa Mandaue alang sa counseling.

Mipahimangno si Marquez ngadto sa adunay mga kagul-anan nga moduol sa mga eksperto o counselor.

Modangop sa Mandaue City Health Office pinaagi sa Facebook page nga Mandaue Outpatient Recovery Clinic.(KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!