SECTIONS
Superbalita Cebu
Saturday, December 04, 2021
SUPERBALITA CEBU

Wa nay RT-PCR test sa Cebu City sa mga bisita

ANG Cebu City Government niwagtang na sa ilang mga rekisito sama sa negative reverse transcription-polymerase chain reaction (RT-PCR) test, antigen ug saliva test results sa fully vaccinated individual nga mosulod sa dakbayan sa Sugbo gikan sa laing mga dapit sa nasod.

Kini ang usa sa mga importante nga nalatid sa sa directive no. 10-25-01 ni Acting Mayor Michael Rama aron mapasayon, maibanan ang kahasol ug makadaginot sa ilang budget ang mga biyahero.

Giluwatan kini ni Rama human gipaubos na sa alert level number 2 ang Cebu City epektibo sugod karong adlawa, Oktubre 26, 2021.

Base sa direktiba ni Rama, ipakita lang sa mga Cebu City resident ang ilang vaccination card nga adunay quick response (QR) code.

Lakip sa ipakita kadtong vaccination card gikan sa Project Balik Buhay (PBB) sanglit aprobado sa Emergency Use Authorization (EUA) o Compassionate Special Permit (CSP) nga giisyu gikan sa Philippine Food and Drug Administration (FDA) o naapil sa Emergency Use Listing sa World Health Organization (WHO).

Samtang kadtong gikan sa laing lalawigan gawas sa Cebu gimanduan sila nga ipakita ang ilang vaccination certificate gikan sa ilang city health officer ug municipal health officer.

Lahi sa ubang mga dapit, wala na usab gipangayo ang S-Pass para sa ilang pagsulod sa Cebu City.

Para sa mga wala pa magpabakuna, kinahanglan silang mo-submit sa ilang negative RT-PCR/ antigen/ saliva test results gikan sa mga laboratory nga akreditado sa Department of Health (DOH).

Ang mga truck driver ug ilang mga pahinante nga nagdala og essential goods exempted sa pag-submit sa ilang Covid-19 test, apan ipaubos gihapon sila sa symptoms screening inig abot nila sa pier sa siyudad.

Kon first dose pa o wala pa sila mabakunahi, gimanduan sila sa pagduso sa ilang RT-PCR test ka usa sa usa ka buwan diin usa ka pahinante sa six-wheeler ug duha para sa 10-wheeler truck.

Ang City Government pinaagi sa Vaccination Operation Center nipapaspas sa ilang vaccination ngadto sa A2 ug A3 nga maoy nalatid sa kasamtangang alert level system sa dakbayan.

Gumikan sa bag-ong directive gikan sa Cebu City Emergency Operation Center (CCOC) ubos sa pagdumala ni Konsehal Joel Garganera nga giaprobahan ni Rama, nagpasayon kini sa mga Sugbuanon ug mga turista gikan sa lainlaing lugar sa ilang pagbiyahe paingon sa isla sa Sugbo niining panahon sa pandemya.

Kapin na usa ka tuig nga giantos sa mga biyahedor ang paglukat sa mga rekisito nga nakahasol kaayo sa ilang biyahe.

Ang kaubang mga dakbayan sa Cebu City, ang Lapu-Lapu ug Mandaue wa na mangayo og RT-CR test sukad sa miaging semana alang sa mga bisita.

Mao usab kini ang gibuhat sa Lalawigan human ang tibuok Cebu gipaubos sa alert level 2.

Kini nagpasabot nga ang tibuok na isla sa Sugbo sayon na lang bisitahon sa mga turista kay wa na kinahanglana ang mahal ug kuti nga RT-PCR test.

Niadto usang Biyernes, ang Bohol wa na magkinahanglan og RT-PCR test alang sa mga bisita gikan sa laing lalawigan sama sa Sugbo.

Si Konsehal Joel Garganera, deputy implementer sa Cebu City Emergency Operations Center (EOC) niingon nga naabot na sa Siyudad ang labing ubos nga positivity rate.

Kita sa Siyudad sa Sugbo naka-agi na og tulo ka surge na pipila na ka tao ang nakalas. Pero sa mga ni-agi nga mga adlaw, we attained our lowest daily positivity rate of 1.35%, matod sa post ni Garganera sa Oktubre 25.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!