SECTIONS
Superbalita Cebu
Saturday, December 04, 2021
SUPERBALITA CEBU

‘Killer’ sa drug pushers nasikop sa CIDG-7

■ ‘HITMAN’: Si Emelio Diamos Boro giingong niangkon sa mga imbestigador sa Criminal Investigation and Detection Group (CIDG) 7 nga usa siya ka hitman sa tulo ka drug lords nga nangamatay na. Sagad sa iyang gipamatay mga drug pusher nga wa makabayad sa ilang gikuhang drugs. Estorya sa pahina 2. / TAMPO

NANGANGKON nga hitman sa tulo ka drug lords ug giingong responsable sa mga pagpamatay sa mga drug pusher nga wa makabayad usa sa tulo nga nasikop sa buy-bust sa Criminal Investigation Detection Group (CIDG) 7.

Human masikop niadtong Oktubre 19, 2021 sa buy-bust sa Mambaling, si Emelio “Agaw” Diamos Boro, giimbestigar sa CIDG 7, diin siya niangkon nga siya hitman kaniadto sa nangamatay na nga tulo ka dagkong drug lords sa Sugbo.

Matod ni Police Colonel Ireneo Dalogdog, regional chief sa CIDG 7, nga sa tulo nga nadakpan, si Boro lang una ang ilang gitug-an sanglit nagpadayon karon ang ilang follow up operation.

Si Boro taga Dan B. Aranas, Barangay Duljo Fatima, Dakbayan sa Sugbo, nga mao usab ang iyang lugar nga hagbunganan sa illegal nga drugas.

Nakuha gikan sa tulo mga nadakpan ang pinakete sa gituohang shabu ug usa ka .38 kalibre nga revolver.

Dugang ni Dalogdog nga si Boro kanhi miyembro sa usa sa mga bigtime drug lord sa Sugbo nga si Aljun Padilla nga namatay na sa gubat batok sa illegal nga drugas.

Kanhi siya bata-bata usab nilang Jeffrey Diaz alyas “Jaguar” nga namatay niadtong 2016 sa kaulohan ug Franz Sabalones nga nakalas usab pagka 2018 sa kaulohan gihapon.

Human mamatay si Padilla, nibalhin si Boro sa usa usab ka big time drug pusher sa dakbayan sa Sugbo diin gihimo siya nga tig deliver sa illegal nga drugas niini.

Nalambigit na siya sa gun for hire diin ang iyang mga target mao kadtong mga kontra sa ilang negosyo nga giangkon usab niya.

“ So after the death of Aljun Padilla, itong nahuli nating suspect ay lumipat sa isang grupo na involved din sa drug syndicate dito sa Cebu City. Ito naman siya ay aside duon sa pagiging drug pusher, he is also a gun for hire, who is operating in Cebu City and south Cebu. Mayron syang dalawang biktima,” matod ni Dalogdog.

Kasagaran sa iyang gipamusil drug personalities nga adunay atraso sa iyang amo nga gialagaran sama sa dili pag remit sa kita niini.

Gawas sa iyang pagka gun for hire ug hitman sa inilang drug personalities nalambigit usab siya sa mga pagpanulis diin iyang gipang tug-an kon kanus-a ug kinsa ang mga biktima.

Modawat usab siyag tanyag gikan sa gawas bugti sa dakong kantidad nga suhol sa iyang pagpatay sa usa ka tawo.

Human kini makahimog krimen, mosibat siya sa lungsod sa Moalboa, probinsya sa Sugbo aron didto motago samtang ang kapulisan mohimog imbestigasyon.

Duna pa silay gipang monitor nga drug personalities nga susamag trabaho ni Boro nga iyang gipang tug-an atol sa imbestigasyon nga matod niini sakop sa sindikato sa illegal nga drugas nga gipadagan sa mga inilang drug pusher.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!