SECTIONS
Superbalita Cebu
Saturday, December 04, 2021
SUPERBALITA CEBU

Lima ka brgy. sa Sogod gilunopan

Ang mga biktima sa baha kasamtangan nga gipahiluna sa simbahan sa St. James the Apostle, barangay hall, health center ug gym sa Lungsod sa Sogod. (Tampo)

LIMA ka barangay ang na-apektuhan ug 214 ka pamilya ang gipabakwit resulta sa grabeng baha sa Lungsod Sogod, Sugbo niadtong Lunes sa gabii, Oktubre 25.

Ang mga apektadong pamilya namakwit sulod sa simbahan sa Saint James the Apostle, adunay nagpasilong sa barangay hall, health center nga kasamtangang gihimong evacuation center.

Si Police Corporal Jose Rostel Hortelano, Sogod Police Station nagkanayon sa dihang nahinabi sa Superbalita Cebu nga ang Sityo San Lorenzo, Barangay Poblacion gibana-bana nga moabot sa liog ang gilawmon sa tubig-baha.

Laing barangay nga gilunopan naglakip sa Bagatayam, Damolog, Bawo, ug Ibabao.

Sumala pa ni Hortelano nga adunay buhawi nga mi-igo sa bukid.

Ang Sityo San Lorenzo sa Poblacion maoy grabeng na-apektuhan sanglit lupa ang maong area, samtang sa ubang nahisgutang barangay taga-tuhod ang gilawmon sa tubig.

Ang hepe sa Sogod Municipal Disaster Risk Reduction Management Office, Helen Zamora mibutyag nga adunay 214 ka pamilya ang na-apektuhan gikan sa lima ka barangay.

Sumala pa nga nagsugod ang uwan sa 3:00 sa hapon niadtong Lunes, mibunok nianang 6:30 ngadto na sa 7:30 sa gabii.

Paspas ang pagsaka sa baha nga gidunganan sa pag-igo sa buhawi sa bukid. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!