SECTIONS
Superbalita Cebu
Saturday, November 27, 2021
SUPERBALITA CEBU

P300K danyos sa sunog sa Cebu City, Mandaue City

NAPULO ka mga balay ang nangaugdaw ug usa ang nakaangkon og kadaut sa sunog sa alas 3:12 sa Martes sa hapon, Okubre 26, 2021 sa sityo Manggahan, Barangay Kalunasan, Dakbayan sa Sugbo.

Ang mga bombero sa Cebu City Fire Office niabot sa dapit sa mga alas 3:18 ug nakontrolar ang kayo sa mga alas 3:36. Hingpit kining napawong mga alas 3:48.

Matod ni Fire Officer 2 (FO2) Fulbert Navarro, imbestigador sa CCFO, nga ang sunog nagsugod sa pinuy-anan sa usa ka Rey ug nikatap sa kasikbit nga mga balay.

Ang sunog nakaapekto sa 10 ka mga pamilya o 50 ka mga lumolupyo.

Gitino pa nila ang hinungdan sa sunog nga nibilin og P150,000 nga danyos.

Samtang nakigkombate pa ang mga bombero sa Cebu City sa sunog sa Kalunasan, niulbo usab ang laing sunog sa mga eskina sa Barangay Basak ug Canduman, dakbayan sa Mandaue sa mga alas 3:34 sa hapon.

Ang nasunog mao ang usa ka establisemento nga gipanag-iya ni Miguel Tiongko.

Usa ka tawo ang naangol.

Ang kayo nakontrolar sa kabomberohan sa mga alas 3:55 ug hingpit nga napawong sa alas 4:30 sa hapon.

Nagbilin kini og P150,000 nga danyos ug padayon usab ang imbestigasyon sa hinungdan. (REV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!