ANG Department of Health (DepEd) nipahibawo nga sa Oktubre 25, 90 na ka mga tunghaan ang giila nga iapil sa pilot nga pagpatuman sa limitado nga face-to-face nga klase sa nasod.
Si DepEd Secretary Leonor Briones niingon nga gawas sa 90 ka mga tunghaan, 20 ka mga pribadong tunghaan ang gikatakdang i-assess, samtang ang mga private international schools usab ang gilain-lain nga i-assess.
Sa 90, ang datos sa DepEd nagpakita nga 30 ka mga tunghaan ang na-assess niadtong Oktubre 4, 39 sa Oktubre 12, ug 21 niadtong Oktubre 17.
Ang mga eskwelahan nahimutang sa mosunod nga mga rehiyon:
* Ilocos - 10
* Central Luzon - 10
* Calabarzon - 5
* Bicol - 3
* Nakatundan Bisayas - 3
* Central Visayas - 8
* Silangang Bisayas - 10
* Zamboanga Peninsula - 8
* Amihanang Mindanao - 6
* Rehiyon sa Davao - 8
* Soccsksargen - 5
* Caraga - 14
Ang DepEd nagkanayon nga adunay kinatibuk-ang 638 ka mga tunghaan ang napili gikan sa inisyal nga listahan nga gi-endorso sa mga rehiyon ug gi-evaluate sa Department of Health (DOH) Epidemiology Bureau, apan 329 lang ang nakapasar sa granular risk assessment nga gihimo sa DOH.
Hinuon, ang 329 ka eligible nga mga eskwelahan gikunhoran ngadto sa 90 tungod kay ang pipila ka local government units (LGUs) nibakwi sa ilang pag-uyon tungod nag-usab usab nga kahimtang sa Covid-19 risk level, samtang ang uban wala nakapasar sa School Safety Assessment Tool.
Gitataw ni Briones nga adunay mga kondisyon nga gitakda alang sa pagpahigayon sa pilot face-to-face classes, una niini mao ang pag-uyon sa mga LGU sa pilot implementation conduct sa ilang mga lugar.
Siya miingon nga ang mga pasilidad sa DepEd kinahanglan usab nga angay ug andam alang sa pilot class, ug kinahanglan ang sinulat nga pagtugot gikan sa mga ginikanan nga nagtimaan sa ilang pag-uyon nga tugutan ang ilang mga anak nga makaapil sa pilot.
Siya niingon nga ang pilot nga face-to-face lahi sa regular nga klase nga gipahigayon og lima ka adlaw sa usa ka semana, tungod kay himuon lamang kini sa gitakdang oras sa mga lugar. (Laureen MondoƱedo-Ynot/PR)