WA na ikatingala ang pagdasok niadtong nagparehistro alang sa piniliay sa Ayala Center Cebu.
Kini maoy paghulagway ni Omar Shariff Mamalinta, election assistant sa Cebu City north district.
“Same ra gihapon ang scenario kay padung na gani ang deadline, daghan gyud ang magtapok same sa niaging mga rehistrasyon,” matod pa Mamalinta.
Niadtong Oktubre 25, ang north district nakarehistro og 788 ka mga bag-ong aplikante samtang 592 ang south district.
Niadtong layo pa ang deadline, ang Comelec Cebu City nag-average lang og 200 ngadto sa 300 ka aplikante matag distrito.
Ang registration sa Comelec nagpadayon sa Ayala Center Cebu sugod alas 10 sa buntag ngadto na sa las 7:00 sa gabii, hangtod na sa Oktubre 30, 2021.(PAC)