SECTIONS
Superbalita Cebu
Saturday, November 27, 2021
SUPERBALITA CEBU

Nalzaro: Mga Bisdak gahi og ulo?

Saksi

USA ka higayon niana sa miaging tuig, gitawag kitang mga Bisaya ni Presidente Duterte og suberbiyo o gahi og ulo. Niadto tong panahon nga misaka kaayo ang mga kaso sa Covid-19 dinhi sa ato ug wala kaayo madisiplina sa atong mga opisyal ang katawhan kay wala usab mosunod ang atong mga opisyal sa guidelines o lagda sa nasudnong kagamhanan. Tinuod sab ba nga gahi ta'g ulo.

Karon, posibling isubli ni Pres. Duterte ang pagtawag kanato og gahi’g ulo kon masayod siya nga ang atong mga opisyal ning dakbayan sa Sugbo nga gipangulohan ni acting Mayor Mike Rama dili motuman sa guidelines nga gipagawas sa Department of the Interior and Local Government (DILG) ug sa Inter-agency Task Force for the Management of Emerging Infectious Diseases (IATF) nga sirad-an ang mga sementeryo sugod sa Oktubre 29 hangtod sa Nobiyembre 2, atol sa Adlaw sa mga Santos ug Adlaw sa mga Minatay.

Ninsister unta si Mike nga dili siya motuman sa maong kamanduan kay nakapreparar na kuno sa Sugbo sa maong mga kalihukan. Ug gawas pa, ang mga bakunado lang ang pasudlon usab sa mga sam-ang.

Dili kuno makig-away siya sa IATF ug DILG.

Wala ko makasabot sa baruganan ni Mike. Nganong mosugal man gyud siya nga naa pa man ang virus? Mikunhod lang ang mga kaso karon apan kon magpabaya ang mga tawo sama sa pagpahigayon og tapuktapok, dili kaha mosaka og balik? Makontrol ba unya sa atong mga awtoridad ang mga tawo nga naa sulod sa mga sementeryo? Dili garantiya ang bakuna nga dili na matakbuyan ang usa ka tawo sa Covid.

Ato lang awhag ni Mike nga dili gamiton ang situwasyon sa iyang ‘pogi’ points kay eleksiyon karon og sa iyang pamulitika. Nahadlok siya sa taga simbahan nga maoy naghangyo niini nga buksan ang mga sementeryo?

Ang taga simbahan mismo mipahimangno sa ilang sumosunod nga puwede man magsaulog sa Kalagkalag sa ilang tagsatagsa ka mga panimalay ug dili na kinahanglan nga moadto sa mga sementeryo.

(EDITOR - Atol sa pagsumiter ning kolum kagahapon sa buntag, Oktubre 26, wala pa mogawas ang bag-ong executive order ni Rama nga misanong na sa lagda sa IATF) (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!