SECTIONS
Superbalita Cebu
Saturday, November 27, 2021
SUPERBALITA CEBU

Barrita: Kawani nga way bakuna di mataktak sa trabaho

299882

Tikdul-tikdol

NAUKAY ang mga mamumuo sa tibuok nasod sa pamahayag ni Labor Secretary Silvestre Bello III nga mahimong taktakon sa trabaho ug pugngan ang suweldo sa mga trabahante nga wa pa mabakunahi ubos sa “no vaccine, no work policy.”

Apan daling gibakwi ni Bello ang maong pamahayag. Matod pa niya, ang mga negosyo nga dunay dine-in ug in-person services dili maka-terminate ug dili maka-withhold sa suweldo sa mga kawani nga wa pa mabakunahi batok sa Covid-19.

Matod pa ni Bello, “This is to clarify that even if select establishments may refuse unvaccinated employees from working by virtue of the IATF resolution, they cannot terminate their workers even if unvaccinated. They cannot also withhold the salaries already earned.”

Ang resolusyon sa Inter-Agency Task Force for the Management of Emerging Infectious Diseases (IATF-MEID) nga penetsahan og Oktubre 13 nagtugot sa mga restaurants ug personal care establishments nga mobukas ngadto sa publiko basta nabakunahan ang tanan nilang mga empleyado.

Sa iyang nahaunang pamahayag si Bello miingon nga ang resolusyon sa IATF maoy “legal basis” alang sa “no vaccine, no work” and “no vaccine, no pay” schemes sa mga restaurants ug mga spa.

Apan makaamendar ba sa balaod ang usa ka resolusyon sa IATF? Dili. Mao nga gibakwi ni Bello ang iyang unang pamahayag. Ang Section 12 sa Republic Act No. 11525, ang Covid-19 Vaccination Program Act of 2021, nag-ingon nga ang vaccination card di rikisito sa pagtrabaho, edukasyon ug sa mga transaksyon sa gobyerno.

Bisan si Justice Secretary Menardo Guevarra niingon nga ang maong IATF resolution nga nagpaluag sa mga restrictions sa pipila ka mga lugar di mahimong usa ka legal basis sa pagpugos sa mga trabahante sa pagpabakuna.

Matod pa ni Guevara ang maong resolusyon igo lang nga nagtugot sa pipila ka mga establisimento nga makabukas alang sa publiko kon nabakunahan ang tanan nilang mga kawani apan di nila mapugos ang ilang mga kawani nga magpabakuna subay sa Covid-19 Vaccination Program Act of 2021.

Unang nireklamo sa pamahayag ni Bello bahin sa pagtaktak ug pagpugong sa suweldo sa mga kawani nga way bakuna mao ang mga labor unions. Lakip sa ilang reklamo mao nga ang usa ka resolusyon sa IATF di makausab sa mga probisyon sa Labor Code of the Philippines.

Ang Labor Code naglatid sa mga hinungdan sa pagtaktak sa usa ka kawani. Alang sa labor unions, ang pagbakuna di mahimong ilakip sa mga “just and authorized causes for terminating employment.”

Samtang si Guevara niingon nga di mahimong ipamugos sa mga kawani ang pagbakuna hangtod nga di maamendahan ang Republic Act No. 11525 ug ang implementing rules and regulations niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!