SECTIONS
Superbalita Cebu
Saturday, November 27, 2021
SUPERBALITA CEBU

Diputado: Gobernador nga kusog mangangkon

Cuentas claras



SA dihang mibisita sa Cebu karong bag-o lang si Davao City Mayor Sara Duterte-Carpio unya nagkita sila ni kanhi Senador Bongbong Marcos (BBM), nagkadaiya na dayon ang istorya nga nanggawas.

Daghan ang nagtuo nga nagsabot ang duha nga mag-u na lang pagka-presidente ug bise presidente.

Apan sama sa gibuboan og tubig ang maong pagtuo sa dihang mihimakak si Inday Sara mismo nga dili tinuod ang maong balita. Hinuon, matod pa niya, nagsabot sila kon unsaon pagtabang sa Hugpong ni Sara ang kandidatura ni BBM.

Buot ipasabot, dili tinuod nga magbise presidente si Sara ni BBM. Kanunay man gihimakak ni Sara nga dili siya magpresidente, ug karong bag-o lang, dili pod siya mag-bise presidente, nagpasabot ba kini nga wala na gyod paglaom pa ang kandidatora ni Sara sa maong mga posisyon?

Dunay huhungihong nga mahitabo na gyod ang Go-Duterte, buot ipasabot ang tandem nila ni Senador Bong Go ug ni PRRD. Mahimo lang kini kon mo-withdraw si Senador Bato dela Rosa sa iyang kandidatura unya pulihan siya ni Senador Bong Go nga mo-withdraw sab pagka-kandidato sa pagka bise presidente ug mo-file pagka presidente.

Kon mahitabo man kining Go-Duterte, morag dunay salikwaot.

Sa pikas bahin, naa ang Go-Duterte sa administrasyon.

Unya sa grupo sab ni Bongbong Marcos, anaa ang grupo ni Sara Duterte-Carpio nga nagpaluyo pinaagi sa iyang Hugpong. Buot ipasabot, managlahi og grupo si PRRD ug si Inday Sara, pwede diay na?

Tsismis ni ha.

Dihay usa ka proyekto nga bag-o lang nahuman. Dako dako sab ang maong proyekto.

Sumala sa record, proyekto kini sa usa ka kongresman.

Apan naunsa nga giangkon man kini sa usa ka gobernador. Atol sa usa ka programa, mapasigarbohon kaayo ang gobernador sa maong proyekto.

Siyempre, nahibaw-an kini sa kongresman ug mihimo dayon kini og pagpatin-aw sa katawhan nga iya ang maong proyekto ug dili sa gobernador. Migawas nga naulawan ang gobernador kay naklaro na man hinuon nga nangangkon lang siya sa usa ka proyekto nga dili iyaha.

Migawas nga plano niya nga mangilad sa katawhan apan napakgang kini.

Buyno, dili kay kas-a lang kini nahitabo.

Kadaghan na mahitabo nga bisan proyekto sa ubang mga politiko, angkonon sab sa maong gobernador. Bisan ang mga ayuda sa kagamhanang nasyonal, angkunon sab sa maong gobernador.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!