P63,700 balor sa shabu sakmit

Hulagway gikan sa Toril Police Station
Hulagway gikan sa Toril Police Station

MOKANTIDAD sa P63,700 ang gituohang shabu nga nakumpiska gikan sa usa ka gialegar nga drug pusher atol sa buy-bust operation sa Toril Police pasado alas 12 sa tungang gabii, Oktubre 26, 2021, didto sa Crossing Bayabas, Toril, Davao City.

Sumala ni Police Major Michael Uyanguren, hepe sa Toril Police Station, nga dugay na nilang gipanid-an ang lihok sa suspek nga si alyas Tamay, 31-anyos, taga Crossing Bayabas, Toril.

Tulo ka mga pakite sa gituohang shabu nga mokantidad sa P63,700 ang nakumpiska sa kapulisan ingon man ang marked money.

Gipasalig sa Toril Police nga dili molampos ang dautang tinguha labot ilegal nga druga sa ilang area of responsibility.

Kasong pagsupak sa Republic Act 9165, kun Comprehensive Dangerous Drug Act of 2002, ang atubangong kaso sa dinakpan didto sa korte. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph