Padayong nagbagulbol si World Boxing Association (WBA) welterweight champion Cuban Yordenis Ugas sa desisyon sa WBA nga pasagubangon siya og mandatory defense imbes nga paawayon siya og unification bout.
Human sa iyang surpresang desisyon nga kadaugan batok kang Filipino boxing legend Manny Pacquiao, nagtuo si Ugas nga ikaharong niya sa usa ka unification bout batok kang American Errol Spence, kinsa maoy tag-iya sa World Boxing Council (WBC) ug International Boxing Federation (IBF) welterweight belts.
Apan gumanduan si Ugas nga modepensa sa iyang korona batok kang mandatory challenger Eimantas Stanionis sa semi-final bout sa giorganisar sa asosasyon nga welterweight tournament.
Ang modaog ning sangkaa makigkontra sa modaog sa laing semi-final bout tali nila ni WBA “regular” champion Jamal James ug Radzhab Butaev.
Mihangyo si Ugas sa WBA nga paderetsuhon na siya’g away ni Spence apan gibasura kini sa boxing body.
“The WBA, in a senseless act, is sending me to a tournament to define a sole champion,” matod ni Ugas nga napatik sa www.boxingscene.com.
“It is a lack of respect. I am the super champion. I beat Jamal James. I just beat Manny Pacquiao. This does not make sense, they should do it in all of the divisions then. In history, no [WBA] super champion has ever had a mandatory fight.”
Gipasabot ni Ugas nga aduna siya’y gipirmahan nga kontrata sa WBA nga iyang kontrahon si Spence karong Pebrero, 2022 sa tinguha nga mausa ang welterweight titles sa WBA, WBC ug IBF.
“There could even be an undisputed champion at welterweight with the winners facing each other. This WBA decision makes no sense,” dugang ni Ugas.
Matod ni Ugas nga wala’y bili alang kaniya ang iyang away batok ni Staniones, kinsa aduna pa lay 13 ka mga away.
“Spence and I would have been a great fight. Spence is the favorite, but everyone knows that I am a good fighter, a warrior, who leaves everything in the ring,” batbat ni Ugas.
“My team sent documents to the WBA to request a special permit for the Spence fight, but a hearing came and it was there that I realized that something was wrong, that the decision had already been made.”
Gisaway ni Ugas si WBA President Gilberto Mendoza nga bakakon gumikan kay wala kini motuman sa ilang gikasabutan. (ESL)