Nia ang makalingaw apan makapalimbawot sa balhibo nga mga sugilanon nga gipaambit sa SuperKa. Katuohan man o dili, hinuno-a i-ampo ang ilang kalinaw, labi na sa mga kalag nga padayong naglatagaw ning nagsingabot nga Adlaw sa mga Minatay.
‘BURIAL JAR’
Niadtong 1998 dunay napalit nga almost 100 years old na nga antique jar ang sikat nga movie promoter ug antique collector nga si Ms. Josie S. Pereyra. “I was so happy because I was able to buy it at a very reasonable price considering the age. I displayed it in my receiving room,” paambit ni Pereyra sa Superbalita Laysho.
Apan pagkaugma natinga siya nga dunay mga lagong o dagkong langaw nga nanggawas gikan sa banga. Dali niya ning gipagawas sa balay sa iyang katabang ug gipalimpyohan.
“The following day after it was cleaned I asked the helper to transfer the jar inside my room. But to my surprise when I was about to sleep there were big flies again coming out from the jar. Mas nidaghan pa hinuon. I don’t know asa gikan kay sarado man ang air-conditioned room.”
Tungod sa kalisang nisud si Pereyra sa banyo ug nag-shower apan pagbalik niya dili na niya maabli ang pultahan sa iyang lawak ug dunay mga hagawhaw siyang nabati nga siya ra man untang usa. “Nikurog gyud ko sa kahadlok. That night I ended up sleeping in the sala. The following day I immediately brought the jar to a priest and there I found out that it was a burial jar.”
Nasayran ni Pereyra nga kultura sa karaang panahon nga sa banga tagoan ang mga bukog sa patay ug sanglit dugay nang wala mapangadyi-e posibleng nagkundinar ang kalag. “So sad because when this jar was still with us, my late husband’s condition who was bedridden at that time got even worst. I got rid of that jar and gave it to Fr. Boyet Concepcion in Bulacan. Since it was a burial jar they need to bless it and offer a mass for the soul of whoever owns it.”
Matod sa pari nga gihatagan ni Pereyra nga sukad nabendisyonan ang banga wala na ni magparamdam. “I’m happy that I was able to share that antique jar to a priest and help the soul to rest in peace inside that chapel in Bulacan. Thank you Fr. Concepcion. After a month I also had my house blessed for peace of mind.”
PATAY NANAWAG
Nahitabo ni last year lang pag-start sa pandemic dihang gipabalik na ang mga call center agents sa site human sa ilang work from home. Apan dunay usa ka agent ang wala kasipot sa lugar diin unta sila pik-apon sa service vehicle. Wala sad ni motunga pagkasunod adlaw ug di sad makontak sa mobile phone. Mao na lay ilang nahibaw-an nga namatay na diay.
“Apan puwerteng kurata namo kay naa ang iyang pangan sa list of calls for quality check anang adlawa nga one week na man unta siyang patay. Na-record pa ang iyang tingog apan di masabtan ug lanog ang background nga mga 10 seconds,” ni Jake John Malagar nga maoy team leader/coach.
“Kaming naminaw sa opisina nanindog among balhibo. Dedicated intawn kaayong bataa sa iyang trabaho. Diabetic man gud to siya,” asoy ni Malagar, kinsa DJ usab sa 103.5 Retro Cebu.
KADENA GIGUROY
“One time dunay gihaya sa silong ug ako rang usa sa 2nd floor mga tungang gabii na. Nakabati gyud kog kadena nga giguroy sa hagdan, hinayhinay hangtod nga nihunong tungod sa kuwarto nga akong gihigdaan. Pag-abli nako walay tawo. I’ve been living alone for so long,” butyag sa award-winning singer-songwriter nga si Roland Amila nga taga-Bohol.
“Di man kaayo ko hadlokan og mga dili ingon nato. Ang makapadagan ra gyud nako kanang makakita kog bitin. Talawan jud kog has. Maybe because ang kinamaguwangan namo maoy namatyan, napaakan siya og has at 6 years old.”
BATANG MALIGNO?
“I have a lot of experiences about scary things. Pero ang pinakahadlok nako sa high school. Nanguli na tanan students at that time except namong upat nga natanggong sa baha kay kusog kaayo ang uwan. Bahaunon man ang atubangan sa among school. That was around 6 pm,” balik-lantaw ni Kristelle Jane Ando nga nagtrabaho na karon isip call center agent ug presidente sa fans club ni Joshua Garcia.
“Nag-wait mi nga mohubas ang baha. Akong classmates naglingkod sa chair while ako naa sa long table. Actually saba kaayo mi sigeg pangatawa. Duna bitaw koy nakit-ang batang lalaki nga nikamang padung sa akong luyo. Ni-reflect man ang iyang nawong sa sliding window. And imagine kana among school wa pa nay bata sa una. Then kalit siyang nawala. Tinuod jud nga di ka makatingog or siyagit basta naa pa sila. Diha na ko nakatingog pagkawa niya. Puwerte nakong hilak.”