Giklaro ni Bise Presidente Leni Robredo sa Miyerkules, Oktubre 27, 2021, nga supak siya sa pagpamalit og boto, apan siya nasayod usab nga ang mga balaod bahin niini halos dili mapatuman.

Si Robredo, kinsa modagan pagka-presidente sa 2022 elections, gisaway human nisulti sa publiko kaniadtong Martes, Oktubre 26, nga dawaton ang kuwarta nga gitanyag sa mga politiko bugti sa ilang boto.

Sa usa ka press conference sa Naga City, si Robredo niingon nga siya nasayod nga ang pagpamalit og boto ilegal, apan sa tinuod, ang mga balaod halos wala mapatuman.

“Aware tayo sa nasa batas, hindi tayo masaya na hindi ito nae-enforce, pero dapat bukas ‘yong mata natin sa realities on the ground. Bukas ‘yong mata natin sa realities on the ground kung hindi maayos ‘yong enforcement, ano ba ‘yong gagawin natin?,” siya niingon.

“Ang dapat na ginagawa natin, na kahit may tumatanggap, dapat hindi susundan ‘yong boto na parang meron kang utang na loob sa nagbigay,” dugang ni Robredo.

Si Robredo nikutlo sa iyang personal nga kasinatian bahin sa pagpamalit og boto sa dihang nipasaka siya og kaso batok sa pipila ka mga tawo niadtong 2013.

Siya miingon nga ang kaso gibasura bisan pa sa lig-on nga ebidensya nga ilang gihatag ngadto sa prosecutor’s office.

“In fact, kahit dito sa atin, very rampant ang vote buying, ‘yong frustrating sa lahat dito kasi hindi maayos ‘yong pag-implement ng regulations against vote buying,” matod ni Robredo.

“In fact, dahil hindi maayos ‘yong ‘pag police natin against vote buying, ‘yong mga volunteers natin, ‘yon na ‘yong gumagawa ng paraan ‘pag meron tayong na-iidentify na alleged vote buyer, ‘yong ginagawa ng mga volunteers binabantayan na ‘yong mga bahay nila para hindi maka-buwelo,” dugang niya.

Si Robredo, sa usa ka virtual nga komperensya uban sa grupo sa mga tigpaluyo niadtong Martes, Oktubre 26, miingon nga ang publiko padawaton sa kuwarta gikan sa mga politiko apan kinahanglang mobotar gihapon sila sa ilang gusto nga mga kandidato.

Siya miingon nga ang kwarta nga gigamit alang sa pagpamalit og boto lagmit pundo sa publiko.

Si Robredo niingon nga ang mga tawo nga namaligya og boto halos dili masilutan apan wala usab silay mga paagi aron masayran kon tinuod ba nga mibotar kanila ang midawat og suborno.

Siya miingon nga ang iyang pamahayag gikuha nga walay hustong konteksto.

“Marami ‘yong nagrepost no’ng sagot ko do’n pero ‘yong iba kasi walang context. ‘Yong sinabi ko kahapon na vote buying mali ‘yon, ‘yong vote buying mali ‘yon pero over the years, very rampant siya dito sa atin,” matod ni Robredo.

Samtang si Commission on Elections (Comelec) spokesperson James Jimenez sa usa ka Twitter post nitataw nga ang vote buying usa ka ilegal nga buhat.

Si Jimenez ni-post niini human sa giingong pamahayag ni Robredo nga dawaton ang kwarta, apan ang sundon ang konsensya.

“I disagree with the notion of taking the money and voting according to your conscience. Vote buying is an election offense regardless of financial situation or noble intentions. Di dapat ginagawa, at di dapat sina-suggest yan sa mga botante,” matod ni Jimenez. (TPM, SunStar Philippines)