Nibabag sa national highway sa lungsod sa Argao, habagatang Sugbo ang dakong punoan sa century old nga Acacia nga natumba mga alas 3:10 sa kaadlawon sa Miyerkules, Oktubre 27, 2021 sa Barangay Poblacion.
Nagpahigayon dayon og clearing operation ang Argao Municipal Disaster Risk Reduction and Management Office gikan sa kaadlawon sa Miyerkules, hangtod sa hapon, matod ni Police Major Rodgene Fudotan, hepe sa Argao police.
Ang tibuok punoan sa Acacia nibabag sa N. Bacalso Avenue hinungdan nga maagian og mga sakyanan.
Hinuon, wa kini makamugna og trapiko kay daghang diversion road ang lungsod padung sa habagatan ug amihanan sa Sugbo. (GPL)