P7.3M shabu nasakmit sa buy-bust

Usa ka bodegero sa illegal nga drugas ang nasikop sa mga sakop sa buy-bust sa Guadalupe Police Station, nakuhaan og kapin sa kilo nga shabu nga gibanabana nga mobalor og P7.3 milyunes.

Ang nasikop mao si si Ramilito Navarro Cabajar, 39, taga Sitio Guila-guila, Barangay Bonbon, bukirang dapit sa dakbayan sa Sugbo.

Niadtong Martes, Oktubre 26, alas 8:15 sa gabii, gilusad sa Guadalupe Police Station 9 ang operasyon sa dalan Andres Abellana, Guadalupe.

Nakuha gikan sa suspek ang binulto sa gituohang shabu nga mobalor ang tanan og P7,310,000.

Matod ni Police Colonel Josefino, hepe sa Cebu City Police Office (CCPO), nga si Cabajar adunay agalon nga kanhi binilanggo sa New Bilibid Prison nga taga Barangay Guadalupe.

Nakagawas na kini apan tua na sa kaulohan nanimuyo ug siya lang ang kontak niini dinhi sa dakbayan.

Sa nakuha nila nga intelligence report nga ang maong personalidad daghan nag-downline dinhi sa Sugbo nga maoy iyang hagbongan sa supply sa illegal nga drugas.

Wala lang una nganli ni Police Colonel Josefino Ligan, hepe sa kapulisan sa Cebu City, kon kinsa ang maong personalidad sanglit nagpadayon ang ilang imbestigasyon ug follow-up. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph