SUPERBALITA CEBU

Cebu City ‘very low risk’

Cebu City ‘very low risk’. (File photo)

Ang Dakbayan sa Sugbo giklasipikar karon nga ubos kaayo ang risgo kun very low risk sa coronavirus disease 2019 (Covid-19), matod sa Octa Research nagkanayon sa Miyerkules, Oktubre 27, 2021.

Ang Octa, usa ka independenteng grupo sa mga researcher nga nagtuon sa Covid-19 pandemic sa nasud, niingon nga gisukod niini ang level sa ka peligro sa daghang timailhan sa transmission sa Covid-19 sa usa ka lugar, lakip ang average nga attack daily rate (Adar), rate sa pagsanay ug positivity rate.

Ang grupo niingon nga niadtong Oktubre 26, ang Adar sa dakbayan ubos sa 1.72 matag 100,000 matag adlaw, samtang ang reproduction number anaa sa 0.42.

Kini nag-ingon nga ang paggamit sa healthcare sa siyudad anaa sa 19 porsyento, samtang ang testing positivity rate anaa sa dos porsyento.

“Note that this does not reflect alert level ratings used by the DOH (Department of Health) and IATF (Inter-Agency Task Force),”” ang Octa miingon.

Gidugang niini nga ubos usab sa low risk classification ang National Capital Region (NCR), Rizal, Cavite, Batangas ug Davao City.

Ang Adar sa NCR anaa sa 6.73 kada 100,000 kada adlaw, samtang ang reproduction number anaa sa 0.52.

Ang positivity rate sa NCR anaa sa 6 porsyento, samtang ang paggamit sa healthcare anaa sa 35 porsyento.

Ang health care utilization sa Rizal, Cavite, Batangas ug Davao City tanan “himsog” ubos sa 60 porsyento, apan ang paggamit sa intensive care unit sa Rizal anaa sa kritikal nga lebel sa 94 porsyento.

Sa mga lugar sa NCR +8, ang Laguna ug Pampanga lang ang nagpabilin nga ubos sa kasarangang risgo tungod sa ilang testing positivity rate sa 13 ug 11 porsyento, matag usa.

Niadtong Oktubre 25, ang DOH miingon nga ang Pilipinas anaa na sa low risk classification alang sa Covid-19 subay sa pag-ubos sa national hospital utilization rate, Adar ug Covid-19 growth rate.

Niadtong Oktubre 26, nakatala ang DOH og 4,393 ka bag-ong impeksyon sa coronavirus sa tibuok nasud.

Ang Pilipinas kaniadtong Martes, Oktubre 26, nakatala og total nga caseload nga 2,765,672, 42,077 ang namatay sa Covid-19 ug 2,669,953 ang naayo.

UPDATE SA EOC



Base sa record sa Emergency Operations Center sa Dakbayan sa Sugbo, mitiurok ang kaso sa Covid-19 ug ang Barangay Guadalupe ug Tisa na lang ang ningtala og double digit nga kaso sa kinatibuk-ang 80 ka mga barangay sa dakbayan, diin 10 na lang sa nakalabay nga 10 ka adlaw.

Si Konsehal Joel Garganera, deputy chief implementer sa EOC, nagkanayon nga dunay 11 ka bag-ong kaso ang Cebu City niadtong Oktubre 26 kun 1.26% daily positivity rate gikan sa 871 ka mga tawo nga gikuhaan og samples diin ang Cebu City anaa na sa low risk nga category nga labing ubos sa tibuok nasod.

Gumikan sa padayon nga pag-ubos sa gidaghanon sa mga nagpositibo, nitibugsok usab ang critical care occupancy rate sa 15 ka mga hospital sa Cebu City.

Niminos ang nakabsan sa kinabuhi sa unang 26 ka adlaw sa Oktubre, 30 nalang apan sa Hulyo ug Agusto, gatusan ang nakalas.

Niabot na og 434,710 ka tawo sa Cebu City ang na-swab test og 9.48% ang nagpositbo sukad pa niadtong Marso 2020 apan ang 95.54% sa mga nataptan hingpit nang naka-recover. (TPM sa SunStar Philippines / PAC)

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!