Dear Papa Joe,
Lisud gyud diay ning mahigugma ta og naa nay tag-iya, samot na legal nga tag-iya.
Tawaga lang ko og Bhong, 40 years old, may katipon. Sa una laay kaayo akong trabaho kay akong mga kauban sa opisina mga tiguwang na ug halos ako nga kwarenta nga ni mature og kalit.
Hangtod nga niabot ang panahon nga nag retire na ang mga taga opisina namo ug niabot si Kim, gwapa ug sexy nga ni apply pagka HR sa office. At first, wa kaayo ko ka discover sa iyang beauty. Gawas nga mag mask kay manang sad manamit, pagsugod. Pero dihang ni luagluag na sa among office, makita na nako siya sa iyang mga sexy nga sinul-uban ug tangtangon sad niya iyang mask sa iyang office.
Diri nitubo akong pagbati ug na obsess na gani ko niya. Siya na lang ang naa sad sa sulod sa akong huna-huna. Gusto ta ko modiga pero minyo man siya ug may mga anak pa gani. Tambagi ko.
BHONG
Bhong,
Ma babaye o lalake man, di malikayan maibog og lain pero kon kabalo ka nga bawal, ayaw nalang. way laing dangatan ana kon di bati na epekto sa imong pamilya ug pamilya sa babaye. Wa pa gyud ta makabalo unsay mabuhat sa inyong mga pares.
Focus lang, Bay, sa imong pamilya para makuhaan nang kaibog nimo sa imong kauban, usa pa bawal gyud na sa matag company nga ma involve ilang mga tawo og illicit nga relasyon kay puro mo minyo. Basin mataktak mo sa trabaho. Pero kana basin advance lang ka kay basin ikaw ray naibug niya ug siya wa nimo.
PAPA JOE
(sa inyong tampo ipadala sa papajoesuperb@gmail.com)