Lain na sab nga makatandog nga romantic drama nga pelikula sa Vivamax nga ubos sa direksiyon ni Nuel Crisostomo Naval ang angay atngan sa Nobiyembre 19.
Ang ‘More Than Blue’ nga gibidahan nila ni Yassi Pressman, award-winning actor JC Santos ug Diego Loyzaga.
Ang duruha nga sila si K (JC) ug Cream (Yassi) nagdala sa papel nga pulos wa nay mga ginikanan nga nagtipon sa usa ka balay apan way romantic ties.
Nasuta nalang ni K nga himatyon siya tungod sa cancer apan iya kining gitago ngadto ni Cream, gani iya pang gitukmod nga mangita og pamanhunon nga buotan ug pangga-on siya.
Sa dihang nakakita si Cream sa maong lalake nga maghatag niya og kalipay sa pagkatawo ni John Luis (Diego Loyzaga) nagsagul ang gibate ni K, nalipay nga nasakitan.
Unsa kahay dagan sa maong istorya sa maong sitwasyon?
Sa press statement sa Viva Films nga ready na sila si JC ug Yassi nga mopahilak ug bati-on og ka-in love ang mga tumatan-aw niining ilang labing una nga panagpares sa pelikula.
Nasayra nga ang ‘More Than Blue’ us aka Korean drama nga unang gi-released niadtong 2009 nga gi-adapt sa Taiwan niadtong 2018.
Ang ‘More Than Blue’ magsugod og stream sa Vivamax nga available online sa web.vivamax.net nga mamahimong ma-download sa app ug subscribe via Google Play Store ug App Store.
Sa P149 matag buwan ug P399 sud sa tulo ka buwan ma-enjoy na ang pagtan-aw sa mga nagkadaiyang pelikula sa Vivamax. (PR)