SUPERBALITA CEBU

Gikiha sa 'anak'

MIPASAKA OG KASO: Mao kini si Joshua Paolo Jensen, ang 24-anyos nangangkon nga anak ni Richard Yap, nga niadto sa Cebu City Hall of Justice sa Qimonda Bldg., North Reclamation Area, Dakbayan sa Sugbo aron pagpasaka og kaso alang sa pagpugos kang Yap nga moangkon nga iyang amahan. / Philip A. Cerojano

GIPASAKAAN og civil case si Richard Yap sa usa ka Joshua Paolo Jensen, 24, kinsa nagpailang anak sa aktor-politiko sa Regional Trial Court Cebu kagahapon, Oktubre 28, 2021, human wala kini moila kaniya.

Si Jensen, lumad nga taga Cavite sa Luzon, giubanan nila ni Atty. Mamerto Avila ug Atty. John Gador aron isang-at ang petition for compulsory recognition batok ni Yap.

“Mga 12 years old nakita ko po siya sa Chowking commercial. Sabi ng mama ko ‘yan ang tatay mo. Nagulat ako, pinuntahan ko din siya sa ABS-CBN pero hindi siya nagpakita, nagtatago po siya, laging out of town po,” asoy ni Jensen kon giunsa niya pagkaila sa iyang amahan.

Matod sa ulitawo nga katapusang nagkita ang iyang inahan ug si Yap, sumala sa iyang inahan, dihang nagpa-ultrasound dihang gisabak pa siya.

“Pag nakikita ko na namimigay siya (Yap) ng bigas sa mga tao, tumutolong siya, masaya ako na ginawa niya yan pero masakit din dahil ako iniwan niya at pinabayaan,” dugang ni Jensen.

Si Yap kandidato sa pagka kongresista sa north district sa Dakbayan sa Sugbo.

“Richard Yap, sana kilalanin mo akong anak. Matagal na akong naghabol sayo hanggang umabot ako dito sa Cebu. Nasira ang buhay ng mama ko dahil iniwan mo siya at iniwanan ng anak. Ako po yon. Kung totoo ang hangarin mo na mag serbisyo sa mga Cebuanos, paano mo magawa yun kung sarili mong anak hindi mo mapanindigan. Binata na ako, mag harap tayo at mag pa DNA,” matod ni Jensen.

Sa iyang bahin, si Yap nagkanayon nga nakurat siya nga naa siyay laing anak ug dili pa taga Cebu.

Siya nagtuo nga dunay nagpaluyo ug politically motivated ang pagsang-at og petition ni Jensen.

“Naay usa ka konsehal nga babaye nga modagan sad sa Congress, nag-live siya and niingon nga naa kunoy anak nako nga iyang gipatrabaho sa iyaha to file a case. So this has all been planned. Tan-awa nalang iyang live,” matod ni Yap.

Wala man hinganli ni Yap apan klaro nga si Konsehal Niña Mabatid ang iyang gipasabot nga kaatbang niya sa distrito.

Gumikan niini, si Mabatid nihagit kang Yap nga mopaubos sa DNA testing ug kon masuta nga dili iyang anak si Joshua Paolo, mosibog siya sa iyang kandidatura pagka kongresista sa North District.

“Richard Yap don’t point fingers at anyone. You abandoned your very own child and it’s my fault? Face the case and submit yourself for DNA testing.." hagit ni Mabatid.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!