ANAA ra sa 12 ka mga bag-ong kaso sa Covid-19 ug wala'y patay ang natala sa Dakbaya sa Cagayan de Oro Biyernes, Oktubre 29, 2021.
Matud sa City Health Office, sa 12 ka mga bag-ong mga kaso, pito ang local index nga mga kaso; upat ang local cases with link; ug usa ang local authorized person outside residence (Apor).
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 20,139.
Ang Cagayan de Oro nakatala usab og pag-ubos sa ihap sa mga aktibo nga kaso.
Aduna nay 595 ka mga aktibo nga kaso karon ang dakbayan, 170 niini na-admit sa Northern Mindanao Medical Center ug uban pang mga ospital sa syudad, 423 ang outpatients, ug duha ang mga ROFs/LSIs.
Nakatala usab og 51 ka mga Covid-positive nga mga kaso nga karon naka-recover. Anaa na karon sa 18,708 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad anaa sa 836.