26 mipositibo sa coronavirus sulod sa 2 ka adlaw

ANAA na sa 20,185 ang kinatibuk-ang mga kaso sa coronavirus disease (Covid-19) sa Cagayan de Oro human miubos ang ihap sa mga bag-ong kaso sa maong syudad.

Nakatala and Cagayan de Oro og 26 ka mga kaso sulod sa duha ka adlaw, siyam niini mga local index nga mga kaso, 11 ang mga close contacts sa mga pasyenteng nagpositibo sa coronavirus, lima ang mga local authorized persons outside residence (Apors), ug usa ang Apor with link.

Ang ihap sa mga aktibo nga kaso sa Cagayan de Oro miubos na sad, aduna na karon sa 548.

Sa maong numero, 88 niini na-admit sa Northern Mindanao Medical Center ug uban pang mga ospital sa syudad, 458 ang mga outpatients, ug duha ang mga ROFs/LSIs.

Nakatala usab og 48 ka mga Covid-positive nga mga kaso nga karon naka-recover. Anaa na karon sa 18,800 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad anaa na sa 837.

Related Stories

No stories found.
SunStar Publishing Inc.
www.sunstar.com.ph