Delos Reyes: Limpyo nga eleksiyon sa nasud mahitabo na ba?

MAAYONG adlaw sa atong mga Super Suki nga kanunay nagasunod sa mga isyu nga atong ginatuki.

Usa ta mopadayon sa unahan, atong ginapaabot ang pahisubo sa pamilya sa among kanhi kauban sa buhat, Orlando Dinoy, nga gikutloan sa kinabuhi diha sa Davao del Sur niadtong Sabado sa gabii sa lungsod sa Bansalan.

Daghang mga tinuohan, mga pangulo sa simbahan ang nagatudlo sa ilang mga sakop nga kitang mga Hentil, dili kinahanglan motuman sa kasugoan, kay ang napulo ka sugo kuno alang ra sa Israel.

Daghan karon ang walay kahadlok mopatay, daghang naa sa gobyerno ang kawatan, daghan sab ang tikasan.

Sagad nga mahitabo, ang mga malapason mao pa ang isog aron pahilumon ang katawhan.

Nahimong init nga isyu ang pagtuki sa komitiba sa blue ribbon sa Senado ang anomaliya kuno sa Pharmally Pharmaceutical Corporation nga nalambigit sa pagpamalit sa gobyerno og mga kahimanan pagsanta sa virus sa Covid-19.

Mga senador nga dili kaalyado sa administrasyon, labi na ang mga magpapili sa mas taas nga posisyon sa umaabot nga eleksiyon

nagtumbok kang President Rodrigo Duterte nga maoy utok sa transaksiyon aron hakpon sa iyang mga alipores ang salapi sa kagamhanan nga unta kuno dakong ikatabang sa mga kabus nga nag- antus panahon sa pandemiya tungod sa Covid-19 virus.

Ang pagtuki sa anomaliya naduhig lang sa pamolitika tungod umaabot man ang eleksiyon ug ang mga nalambigit sa isyu mga tawo nga nagpalibot sa pangulo.

Daghan ang mipasibaw nga kontra daw nila ang kurapsiyon.

Ang imbestigasyon sa anomaliya sa eleksiyon nga gikalambigitan sa mga opisyal sa Commission on Election (Comelec) ug Smartmatic ubos sa pagdumala ni Chairman Sexto Brillantes, gihunong sa komitiba sa Senado human nga gibulgar ni Atty. Glenn Chong dihang nag-ungaw na ang kamatuoran nga pipila sa mga senador ug uban pa nga kandidato ang nakabenepisyo sa mga boto nga gipadala sa mga precint count optical scan machine (PCOS) bisan wala pa nisugod ang adlaw sa eleksiyon niadtong 2016.

Dakong kahibulongan kay Mayo 9 pa ang eleksiyon apan petsa otso pa lang may resulta na nga gipadala!

Luyo sa mga gibutyag nga mga kahiwian, nipirma gihapon ang Comelec og bag-o nga kontrata sa Smartmatic alang sa 2022 National Elections.

Miabot na sa kantidad nga P2.255 ka bilyon ang kantidad sa ilang serbisyo.

Makalaum ba kita nga limpyo, walay mga kabuang nga mahitabo sa umaabot nga eleksiyon?

Nahitabo na ba ang limpyo nga eleksiyon sa atong nasud?

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph