Motorista nga wa mihunong napatay

Bansalan Municipal Police Station
Bansalan Municipal Police Station

PATAY na nga miabot sa ospital ang usa ka lalaki kinsa giingong misukol sa kapulisan dihang beripikahon unta apan wala mihunong sa dala niining motorsiklo alas 11 sa gabii niadtong Martes, Nobiyembre 2, 2021, didto sa Barangay Kinuskusan sa Bansalan, Davao del Sur.

Ang napatay nga suspek giila sa kapulisan nga si Eugene Fortune Barro, kinsa nakuhaan og daghan nga resibo sa iyang pitaka, .38 revolver nga dunay tulo ka mga buhing bala ug ang motorsiklo niini.

Saysay sa report sa kapulisan sa Bansalan Municipal Police Station, dihang iberipika na unta ang suspek, gilayon kining mikuot og pusil sa iyang sling bag ug namusil sa miresponde nga pulis.

Dead on arrival sa Mabama Hospital ang suspek samtang ang pusil ni Police Staff Sergeant Amir Ann Pendatun gipailawom sa ballistic examination. Ang maong pulis ipailawom sab sa paraffin casting examination.

Ang patay nga lawas sa suspek gidala dayon ngadto sa EB Brillantes Funeral Homes sa Barangay Poblacion Uno sa lungsod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph