GARBO karon sa Davao Region nga pinaagi sa makuting mga pagtuon diha sa research nadiskubre ang usa ka bag-ong insekto sa Davao de Oro.
Garbo gumikan nadiskubrehan nga abunda sa kinaiyahan ang Davao Region human kini gipuy-an og talagsaon nga insekto nga dili modangan sa pananom ug maoy nakapabalanse sa kinaiyahan.
Si Department of Science and Technology (DOST) Davao Regional director Anthony Sales sa iyang Facebook post nagkanayon nga ang bag-ong klase sa insekto gipanganlan og Metapocyrtus salesi sp.nov. Ang ngalan niini gisunod kaniya.
Ang insekto nadiskubre ni Dr. Ann Cabras ug kaubanan sa University of Mindanao Coleoptera Center.
"Etymology. Salesi, a noun in genitive case, named after Dr. Anthony Sales, the regional director of the Department of Science and Technology in Region XI for his contribution in the advancement of research," matud pa sa Facebook post ni Sales.