ANAA sa 25 bag-ong kaso sa Covid-19 ug wala'y patay ang natala sa Dakbayan sa Cagayan de Oro Huwebes, Nobyembre 4, 2021.
Matud sa City Health Office, sa 25 ka bag-ong kaso, unom ang local index nga kaso; upat ang mga local cases with link; 14 ang mga persons deprived of liberty (PDLs) ug usa ang patay.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 20,226.
Adunay 515 aktibo nga kaso ang dakbayan, 84 niini na-admit sa Northern Mindanao Medical Center ug uban pang mga ospital sa syudad, 430 ang outpatient, ug usa ang ROF/LSI.
Nakatala usab og 18 ka mga pasyente nga nakarekober sa sakit. Anaa na karon sa 18,872 ang ihap sa mga nakarekober sa dakbayan.
Ang ihap sa mga namatay sa Covid-19 sa syudad anaa sa 839.