Patay nang niabot ang usa ka overseas Filipino worker (OFW) sa Bogo District Hospital human nakuryentihan alas 4:30 sa Huwebes sa hapon, Nobiyembre 4, 2021, sa Kawit, Medellin, amihanang Sugbo.
Ang biktimang nag sideline pagka electrician giilang si Welmar Amadeo, 32, taga Brgy. Antipolo, Medellin.
Kay wa makabalik sa abroad tungod sa pandemic, si Amadeo nag sideline pagka electrician, mang repair sa mga linya sa kuryente.
Samtang siya nag ayo sa linya sa kuryente sa usa ka resort, iyang natumban ang live wire hinungdan nga siya nakuryentihan.