ABTANAN sa Kaluoy sa Archdiocese of Cebu mopadayon sa late registration of live birth (LRLB) alang sa labing kabos.
Ang Abtanan sa Kaluoy (Oasis of Mercy) pinaagi sa Dilaab Foundation, Inc, ug Ugnayan ng Barangay at mga Simbahan (UBAS), mopadayon sa ilang programa nga gitumong sa pagtubag sa panginahanglan sa ulahing pagparehistro sa live birth sa labing kabos sa mga kabus sa Cebu Archdiocesan Shrine of San Roque sa Barangay Mambaling sa Sabado, Nobiyembre 6, 2021.
Ang programa unang gipatuman sa Barangay Subangdaku sa dakbayan sa Mandaue niadtong 2017.
Gibanabana nga 7 milyones ka mga Filipino sa nasod way birth certificates nga tungod niini, sila napugngan sa pagpalambo sa ilang kinabuhi ug posisyon sa katilingban.
Gawas sa Dilaab ug UBAS, ang programa nihiusa sa panagtambayayong sa Cebu Archdiocesan Shrine of San Roque, Barangay Mambaling sa Cebu City, Office of the City Civil Registrar (OCCR) Cebu City, Integrated Bar of the Philippines (IBP) - Cebu Chapter, Legaspi Law Office, ug Department of Social Welfare and Services (DSWS) Cebu City.
Ang mga parokya ug barangay nga gustong mohimo sa late registration sa live birth sa ilang tagsa-tagsa ka lugar mahimong makig-alayon sa Abtanan sa Kaluoy (ASK) o Dilaab Foundation Inc. (PR)