LUYO sa mga balibad ni Davao City Mayor Sara Duterte-Carpio sa pagka-presidente sa 2022, padayon gihapon kining nagpasalamat sa mga parallel group nga lunod-patay ang suporta ug panawagan sa mayora.
Sa official Facebook page ni Duterte-Carpio, sagad niyang gipasalamatan ang Inday Sara Duterte Ako (Isda), usa ka grupo sa dakbayan sa Sugbo nga makanunayong mihimo og mga outreach program alang sa mas labing nanginahanglan.
"Maraming salamat po sa #Isda #IndaySaraDuterteAko sa tulong na pinaabot niyo sa ating mga kababayan. Salamat sa pagmamahal sa kapwa at sa ating Pilipinas," pagpasalamat sa mayor.
Gani bisan sa mga hangyo ni Duterte-Carpio nga dili magpahigayon og caravan kay dili gyod kini modagan, apan sumala sa Sara All Philippines 2022 modayon gihapon sila luyo sa pasalig nga ipatuman ang mga health protocols batok sa Covid-19.
"I am respectfully appealing to the organizers of Sara All Philippines 2022 to forego the planned Cotabato to Manila caravan from Nov 4 to Nov 15. In the times of the Covid 19 pandemic, it is extremely unwise to move around the country," pamahayag ni Duterte-Carpio.
Hinuon, gidasig sa mayor ang mga miyembro ug organizer sa grupo nga mohimo na lang og lahi nga pamaagi nga produktibo nganha sa komunidad.