KUNG dili gyod mo-substitute si Davao City Mayor Sara Duterte sa Nobyembre 15, wala suma pa'y mahimo ang katawhan, kini dawaton sa kinasingkasing ug suportahan na lang kung kinsa ang gituboy sa administrasyon.
Sumala sa dean sa usa ka tunghaan sa Davao City nga si Dr. Eleodenis Abata nga kung kinsa ang suportahan sa administrasyon mao na lang ang hatagan og pokus, subayon ang kalidad niini ug ang kaagi sa panerbisyo sa katawhan sa mga katuigan sa gobyerno.
"Kung dili gyod si Mayor Sara, wala tay mabuhat, suportahan na lang kung kinsa man ang gisuportahan sa administration," ingon ni Dr. Abata nga nahinabi sa Superbalita Davao.
Sa pagka-vice president, padayong nanguna ang ratings sa mga vice presidential aspirant nga sila Christopher Bong Go ug Senate President Vicente Sotto III kinsa una nang gituboy ni Pangulong Rodrigo Duterte atol sa ulahing State of the Nation Address (Sona) niini.
"Let say, dili si Mayor Inday, so kabalo na ta sa atong presidente, diri na lang ron maggukdanay sa pagka-bise. Naa si Go, ug naa si Sotto ang tawo na ang kabalo kung kinsay mas labing maayo, kay puros maayo ang duha," dugang ni Dr. Abata.
Samtang gibutyag sa usa ka conservative group sa nasud nga si Jochebed "Obed" Dela Cruz, ang lead convenor sa Philippine Nationalist Conservatives for Progress (PNCP) nga usa ka "exceptionally qualified" nga modaug alang sa pagka-bise si Sotto III.
"It is admirable that Senate President Sotto was able to share with us his platforms and answer questions on policy matters as expected of a true statesman. Senate President Tito Sotto showed his knowledge, wisdom, and competency in public service and gave us his realistic and convincing platform. It left us with the impression that he is exceptionally qualified for the VP position," panglantaw ni Dela Cruz.
"Sana bigyan tayo ng Panginoong Diyos ng mas magandang discernment para sa kinabukasan ng ating bansa at para sa kinabukasan ng ating pamilya. I've always said that the most important thing is the care of the Filipino family," ingon sa Senate leader.
Si Sotto uban sa iyang running mate nga si Senator Panfilo Lacson sa pagka-pangulo samtang si Go gituohan nga si Bongbong Marcos ang ka-running mate ugaling di gyod mo-substitution si Mayor Sara subay sa panan-aw sa kadaghanan.