PADAYONG miubos ang mga bag-ong kaso sa Covid-19 sa Dakbayan sa Cagayan de Oro human kini mitala og 25 ka mga kaso, pulos mga local transmission.
Anaa na karon sa 19,933 ang ihap sa mga kaso sa Covid-19 sa dakbayan.
Matud sa City Health Office, sa 25 ka mga bag-ong lokal nga kaso, 20 niini ang mga local index nga mga kaso, tulo ang mga local cases with link, ug duha ang mga lokal nga authorized persons outside residence (Apors).
Ang Cagayan de Oro adunay 1,035 ka mga active cases, 307 niini na-admit sa Northern Mindanao Medical Center ug uban pang mga ospital sa syudad, 725 ang mga outpatients, ug tulo ang mga ROFs/LSIs.
Nakatala usab og 71 ka mga Covid-positive nga mga kaso nga karon naka-recover na. Anaa na karon sa 18,062 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad anaa na sa 836.