MOIHAP sa 40 ka mga karton sa giismagol nga sigarilyo ang nakumpiska sa Bureau of Customs (BOC) Port of Davao pinaagi sa Sub-port of Dadiangas sa General Santos City ug Naval Forces Eastern Mindanao.
Sa report, anaa sa 40 ka mga karton sa Indonesian-made nga sigarilyo nga Gudang Baru nga mokantidad og mokabat kapin kun kulang P1.9 milyon.
Mga giismagol nga sigarilyo gisakay sa motorized banca nga giagi sa dagat sa Glan sa Sarangani Bay.
Samtang temporaryong gikustodiya ang duha ka mga crew sa motorized banca alang sa dugang imbestigasyon.
Anaa na sab sa kustodiya sa Enforcement and Security Service ang mga nakumpiskang mga sigarilyo.
Naisyuhan na og Warrant of Seizure and Detention batok sa mga smuggled nga mga items sa kalapasan sa Section 1113 sa Republic Act No. 10863 nga mas nailhang Customs Modernization and Tariff Act.
Usa sa mga kampanya karon sa adwana ang pagpakusog sa pagbatok sa mga smuggled items agi sa kadagatan.