SUPERBALITA CEBU

Tomboy, uyab nga gunrunner nasikop

MANAG-UYAB: Ang manag-uyab nasikop sa A. Lopez, Labangon, siyudad sa Sugbo tungod sa pagpamaligya og armas. / Benjie B.Talisic

USA ka tomboy uban sa iyang uyab nadakpan atol sa ronda sa awtridad batok illegal nga armas sa dan A. Lopez, Barangay Calamba, Siyudad sa Sugbo, pasado alas 10:00 sa gabii niadtong Sabado, Nobiyembre 6.

Si Police Major Joey Caise, team leader sa Criminal Investigation and Detection Group Cebu City Field Unit (CFU), maoy nangulo sa pagpangronda nga miresulta sa pagkasikop niining duha nga manag-uyab.

Giila ang mga nadakpan nga sila Aba Hopia, 24, usa ka tomboy, lumad nga taga Barangay Bangbang, lungsod sa Cordova ug kanhi trabahante sa Mepza.

Samtang, ang uyab niini lakip nga giposasan, nailhang si Methoshiela Daclan, 30, way tabaho, ug molupyo sa dan A. Lopez sa Barangay Labangon sa Siyudad sa Sugbo.

Matod ni Caise nga si Hopia maoy ilang gipalitan og armas samtang sa pagsusi sa uyab niining si Daclan, nasakmitan og usa ka bulto sa shabu.

Nakuha gikan kang Aba ang usa ka armas nga kalibre .45 nga dunay magazine ug usa ka medium nga pakete sa gidudahang shabu.

Kaso nga kalapasan sa Republic Act (RA) 10591 ang atubangon ni Hopia samtang kaso nga kalapasan sa RA 9165 ang atubangon ni Daclan ngadto na sa korte.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!