Dear Papa Joe,
Ako diay si Lorna, 27 years old, taga south sa Cebu apan naa ko sa city nag-work sa business process outsourcing (BPO).
Naa koy kababata ug schoolmate nga nauyab nako ug naka-live in pa tungod kay para makatigom mi sa among pag-stay diri sa siyudad. Di tuod minyo style among estado apan di malikayan nga naa gyud nga mga lapa sa liyon.
Karon tungod sa kalisod, niuli siya sa among probinsya hangtud nagka labo mi apan naka-move on ko. Hangtud naminyo na lang siya. To cut the story short, civil ra mi.
Hangtud nga nihangyo sila motipon nako sa akong apartment para maka-save. Okay ra nako. Apan ako wa na koy pagbati niya as a friend. Pero madunggan nako sila nga mag-away ug ang hinungdan ako. Kay wa pa ka move on akong ex mao nakigtipon siya nako. Unsay buhaton ko?
LORNA
Lorna,
Simple ra gyud. Papahawaa na sila diha. Total sila may nihangyo. Dakong gubot kon padayunon nimo na sila diha. Di normal buot hunahunaon kay mabutangan gyud na og malisya puhon.
Again, imo nang katungod kay ikaw ang nag-abang diha. Usa pa di gyud na mawa ang istorya ninyo kay may kagahapon mo.
Papa Joe
(sa inyong tampo ipadala lang sa papajoesuperb@gmail.com)