NAALSA ang dili unta makaya sa usa ka tawo human miulbo ang dakong kalayo sa mga nagdikit nga panimalay sa Santol Street, Buhangin, siyudad sa Davao, Dominggo sa udto, Nobyembre 7, 2021.
Daling nakapanawag og bombero ang mga residente human miulbo ang usa ka balay, apan sa kapaspas sa kabomberohan nga miresponde, duha ra ka mga balay ang giugdaw sa kalayo likod sa Balbacuahan.
Ala 1:37 sa hapon napalong ang kalayo ug wala na kini kakanit pa sa ubang mga kabalayan sa dapit.
Sumala sa mga residente nga wala na sila magtuo nga mokanit ang kalayo tungod na sab sa kapaspas sa mga bombero ug sa ilang abilidad nga mipasirit sa tubig.
Giatiman na sa barangay ang mga nabiktima sa sunog.