MAAYONG adlaw kanimo. Usa ako nga taga Ronda, Cebu. Nipadangat ako nimo og message basig makatabang kini namo nga makasabot. Ako nasayod nga road safety ang imong adbokasiya kay hilig ka man og bike.
By the way, dili nalang nako i-mention akoang name. Mao ni akong concern. Kagahapon gud (Sabado, Nobiyembre 6), hapit mi nadisgrasya uban sa akong asawa. Gikan mi sa merkado nagsakay sa akong motor ug kalit nga nilabay nga gahagoros ning mga big bike nga gagukoray. Miapil sila sa Cebu Loop.
Ngano man nga gihimo man nila ang public road sa racing? Way mga batasan. Nganong gitogutan man ni sa Land Transportation Office (LTO) ang pagkuha sa permit ani nila?
Palihug ko og contact ani sa LTO kay nabasa nako sa Superbalita naay ni champion sa racing. It means ginukoray ang mga motor.
Magpasalamat ko kon mapatik kini sa Superbalita aron ma aware sila. Dili lang siguro ako maoy nahasol ani, kun dili daghan pa. Wala lang mireklamo.