HANGTUD ning adlawa, nakulbaan na ang mga supporters ni Davao City Mayor Sara Duterte, apan bisan unsa may daganan niini, naa sila magpaluyo kaniya.
Sumala ni Dr. Jed Acero, magtutudlo sa Sta. Ana National High School sa Davao City, nga kon unsa ang mahimong desisyon sa mayor walay mahimo ang katawhan.
"Daghan tawo karon nga gusto mag-presidente si Mayor Sara, if mag-vice siya for BBM (Bongbong Marcos) okay sab, pero sa kadaghanan mas okay kaayo ang president," sulti ni Dr. Acero sa Superbalita Davao.
Ang yanong traysikad drayber nga si Marcelino Despasarino nagsulti nga kon unsa man ang daganan ni Mayor Inday, basta lang ang katawhang Pilipino pag-abot sa panahon matubag ang mga panginahanglan.
"Bisan kinsa ang ma presidente, dawaton nato basta naa kita’y panginabuhian, dili maglisod ang mga Pilipino," ingon sa traysikad drayber nga taga Barangay Lapu-Lapu, Agdao, Davao City.
Huwebes sa gabii, Nobiyembre 11, 2021, human nagpamiyembro si Mayor Sara sa Lakas-MD nga partido, gilayong nagpagula Biyernes og pamahayag ang mayor sa iyang pagpasalamat ug hangyo.
"Sa lahat ng aking mga taga-suporta, pati na po sa mga miyembro ng media -- nakikiusap po ako sa inyo na sana ay huwag na kayong mag-camp-out sa labas ng Comelec (Commission on Elections). Nakikiusap din ako sa mga nasa probinsiya na huwag kayo bumiyahe papunta Manila nandito lang po ako sa Davao City dahil sa sunod-sunod na pag-ulan at pagbaha," ni Mayor Sara sa official Facebook page niini.
Dugang niya, "Sa aking mga supporters, humahanga po ako sa tibay ng inyong puso. Sa mga kasapi naman ng media, humahanga rin ako sa inyong dedikasyon sa trabaho. Hindi na kailangan mag-camp-out pa dahil meron pang pandemya at ayoko kayong magkasakit. Ulan at init ng araw ang inyong kalaban. Isipin nyo rin po sana ang kalagayan ng inyong mga pamilya."
"Magbibigay po ang mga spokesperson ng opisyal na pahayag, magbibigay po ng mga picture at video para sa inyo lahat. Patuloy nating mahalin ang ating bansang Pilipinas. Daghang salamat," panapos sa mayor.
Sukad sa pagsuwat ning balita Biyernes sa alas 3 sa hapon, ang Lakas-CMD nagpagula og pamahayag nga una mag-Nobyembre 15 karong Lunes o mismong adlawng Lunes, adlaw sa substitution sa Comelec, maghibal-an ang posisyon nga daganan ni Mayor Inday.