Ang Land Transportation Office (LTO) 7 anaa na karon sa proseso sa pag-audit sa tanang mga buhatan niini isip pagpangandam sa roll-out sa 10 ka tuig nga driver’s license sa rehiyon.
Si LTO 7 Regional Director Victor Emmanuel Caindec niingon nga sa sinugdanan, ang ilang Central Office ni-relay sa ubang mga buhatan sa LTO sa nasud nga dili apil sa unang roll-out sa ilang Central Office - Licensing Section sa Quezon City niadtong Oktubre 28 ug National Capital Region (NCR) nga mga buhatan nga nagsugod niadtong Nobiyembre 3, magsugod sa paglusad sa 10 ka tuig nga driver’s license sa Disyembre 1.
“We are waiting for the final office orders but there’s a strong chance nga December 1 ang LTO region 7 will be able to initially start issuing the 10-years license cards,” matod sa direktor.
Isip pagpangandam sa dakong kalamboan sa kasaysayan sa LTO, si Caindec niingon nga nagpahigayon usab sila og audit sa kapabilidad sa ilang mga buhatan sa pagpasayon sa bag-ong validity.
“We are also checking on the state of all the computers as well as starting our familiarization with the new system,” dugang ni Caindec.
Gipasabot pa sa direktor nga ila kining gihimo nga pre-announcement aron mahibaw-an sa publiko kon unsa ang gikinahanglan nilang buhaton sa dili pa mag-renew sa ilang driver’s licenses.
Ubos sa Republic Act (RA) No. 10930 nga nag-amendar sa Land Transportation and Traffic Code, ang usa ka drayber mahimo lang makakuha og 10 ka tuig nga driver’s license kon ang “naghupot sa usa ka propesyonal ug dili propesyonal nga lisensya sa pagmaneho nga wala makalapas sa Republic Act No. 4136 ug uban pang mga balaod sa trapiko, mga lagda ug regulasyon.”
Gawas sa pagpasar sa eksaminasyon sa bisan asang opisina sa LTO para sa renewal sa driver’s license, ang tanang mag-renew nga aplikante kinahanglang mopailawom sa Comprehensive Driver’s Education (CDE) aron makakuha og CDE Certificate.
Ang CDE Online Validation Exam dali nga magamit sa tanang aplikante nga libre sa LTO Portal (portal.lto.gov.ph) ug LTO offices pinaagi sa Driver’s Education Centers niini.
Ang samang refresher course mabatonan usab sa LTO-Accredited Driving Schools diin mahimong magamit ang mga bayronon.
Ang pag-renew sa mga aplikante kinahanglang mopasar og labing menos 50 porsyento o 13 ka hustong tubag gikan sa 25 ka pangutana aron makuha ang sertipiko sa CDE.
Sa dili pa mokuha sa eksaminasyon, kinahanglang magparehistro una sa LTO Portal.
Giklaro usab ni Caindec nga ang pagpasar sa CDE Exam ug sa mandatory examination alang sa renewal sa driver’s license, dili awtomatik nga makagarantiya sa 10 ka tuig nga driver’s license card.
Ubos sa Section 9 sa RA 10930, “Ang LTO mag-institutionalize og point system nga gamiton sa pag-assess sa katakus ug eligibility sa mga driver applicants alang sa ilang gusto nga mga transaksyon sa lisensya.”
Matud pa sa direktor nga kon ang nag-renew nga aplikante adunay mga naunang kalapasan sa milabay nga lima ka tuig, mahimo ra silang hatagan og lima ka tuig nga driver’s license validity o mahimong moagi sa mandatory driver’s reorientation course.
Ang pag-renew sa driver’s license mokantidad lang og P585 alang sa on-time renewal sa standard professional ug non-professional nga lisensya.
Wala pay labot ang P67.63 nga computer fee ug penalty sa late renewal nga gikan sa P75 ngadto sa P225.
Ang Land Transportation Management System (LTMS) Online Portal sa LTO nagtanyag sa CDE Presentation Materials nga naglakip sa: Road Safety, Road and Traffic Rules, Special Laws (light vehicle), Special Laws (Motorcycle and Tricycle), Other Regulations, ug General Information. (REV gikan sa PR)