Duha ka mga Sugbuanon ang nalakip sa 10 ka mga Filipino icon nga naghatag og dungog sa nasod sa tibuok kalibutan ang gipasidunggan sa Philippine Postal Corporation (PHLPost).
Ang Cebuano Industrial Designer Kenneth Cobonpue ug ang half Filipino-American fashion designer ug Cebuana nga si Monique Lhuillier aduna’y tagsa-tagsa ka mga stamp nga mamahimong magamit ug mapalit sa mga postal office.
Niadtong Sabado, Nobiyembre 13, gilusad sa PHLPost ang “Living Legends: World-Renowned Filipinos” stamp series diin gipasidunggan ang 10 ka Filipino icons lakip nila ni six-time World Cup bowling champion Rafael “Paeng” Nepomuceno; Asia’s first Grandmaster Eugene Torre; billiards legend Efren “Bata” Reyes; World-renowned Filipino-American fashion designer Josie Natori; National Basketball Association player Jordan Clarkson, kinsa ang inahan usa ka Pinoy.
International theater actress ug singer Lea Salonga; Diosdado Banatao, ang Filipino engineer nga gihimong simple ang computer designs pinaagi sa gagmay nga chips; ug ang sikat nga fastfood chain nga Jollibee.
Matod sa multi-awarded Cebuano furniture designer ug manufacturer nga si Cobonpue nga ang maong pasidungog dili lang alang kaniya apan lakip kadtong mga creative entrepreneur ug artisan sa nasod nga nagpabilin nga gipreserba ang kultura sa ilahang mga obra.
“It is an honor to be immortalized on a Philippine stamp. This recognition is not only for myself but for every creative entrepreneur and artisan in the country who try to preserve our culture in their work. May all of us continue to raise the Philippine flag higher in everything we do,” matod ni Cobonpue.
Si Monique mao ang anak sa French-born Filipino business ug owner sa M. Lhuillier pawnshop chains nga si Michel J. Lhuillier ug sa Filipina ug former model nga si Amparito Llamas.
Nagdako si Monique sa Sugbo ug nakatuon pa sa Saint Theresa’s College sa wala pa mitungha sa Switzerland.
Misikat ang maong fashion designer tungod sa iyahang bridal collections, ready-to-wear designs and accessories nga nakabase na karon sa Estados Unidos.
Ang maong selebrasyon agig paghandom sa ika-254th foundaing anniversary sa PHLPost ug ika-75th year nga selebrasyon sa first stamp sa Republic of the Philippines.