Pabayron sa Philippine Basketball Association (PBA) si Dave Marcelo ug Aris Dionisio tungod sa away niini sa bag-ohay lang nahuman nga PBA Philippine Cup Finals.
Matod sa artikulo sa Spin.Ph, nga si Marcelo gipamulta’g P50,000 samtang si Dionisio adunay penalty nga P30,000 tungod kini sa away sa duha nga nakita sa CCTV video sa Quest Hotel didto sa Clark.
Ang TnT Tropang Giga ug Magnolia Hotshots naa sa maong hotel sulod sa duha ka buwan nga bubble.
Matod pa sa source nga sa wala pa ang maong physical altercation, aduna nay trash talking nga nahitabo human midaog ang Tropang Giga, 106-89, sa Game 4 sa PBA Philippine Cup didto sa Don Honorio Ventura State University gym.
Gidaog sa Tropang Giga ang series sa Game 5 aron ibulsa ang titulo ug tapuson ang ilang unom ka tuig nga title-drought.