Masuwayan na sugod karon, Nobiyembre 15, ang limited face-to-face (F2F) sa walo ka mga tunghaang publiko sa dakbayan ug lalawigan sa Sugbo taliwala sa pandemiya.
Si Department of Education 7 Director Salustiano Jimenez niasoy sa SunStar Cebu nga pipila lang ka mga tinun-an ang gitugotan nga makasulod sa lawak-saringan sa matag grade level.
“We do have a maximum number of learners per session. In kindergarten, there will be 12, in Grades 1 to 3, there will be 16 and for Senior High, a maximum of 20 per session,” matod ni Salustiano.
Ang pagtungha sa mga tinun-an boluntaryo ug ang mga ginikanan ningsumiter sa ilang gipirmahang pagtugot aron makaapil ang ilang anak sa F2F classes.
“If the parents will not allow their child to join, we will not force them,” matod niya sa SunStar Cebu.
Ang mga bata, diin ang mga ginikanan motugot sa F2F classes, mopadayon sa modality nga gigamit sama sa online learning o blended learning.
Sukad ang nasudnong kagamhanan nagsugod sa pediatric vaccination sa nag-edad og 12 ngadto sa 17, si Jimenez niingon nga pipila pa lang ka Senior High ang nabakunahan.
Hinuon, dason niya, ang tanang teaching ug non-teaching staff pulos na kompleto sa bakuna.
Ang walo nga apil sa pilot schools mao ang Basak Elementary School sa Samboan; Cañang-Marcelo Luna National High School sa Oslob; Pilar National High School sa Pilar, Camotes; Luyongbaybay Elementary School sa Bantayan; Mahanlud Elementary School sa Malabuyoc; Busay National High School sa Moalboal; Cabagdalan Elementary School sa Balamban; ug Siocon Elementary School sa Bogo City.
Ang tanang lungsod ug dakbayan sa limited F2F classes nasakop sa low-risk areas ug ngadto sa walay kaso sa Covid-19.