Human sa sunodsunod nga mga semana sa ubos ang turnout, ang Visayas Vaccination Operations Center (VVOC) nitaho nga nisaka ang performance sa pagbakuna sa Metro Cebu.
Ang tigpamaba sa VVOC nga si Dr. Mary Jean Loreche niingon nga maayong balita kini alang sa paningkamot sa rehiyon nga makab-ot ang herd immunity kay ang performance sa pagbakuna gikan sa Nobyembre 8 hangtod 14, 2021 alang sa unang doses misaka ngadto sa 60 porsyento o 89,160 ka jabs gikan sa 148,000 nga target.
Ang ikaduhang dose jabs performance misaka ngadto sa 139 porsyento o 53,157 jabs gikan sa 38,151 ka nga target sa Metro Cebu sa samang mga adlaw.
“Mao nga nakita namon nga kaniadtong miaging semana, naa kami sa 34 porsyento. Karon, sa 60 porsyento, mas maayo na kami kumpara sa miaging mga semana,” ingon niya.
Sa unang doses alang sa 18 anyos pataas ug 12 ngadto sa 17, ang Cebu City nakatala og 32,611 jabs (68 percent); Mandaue City sa 14,890 (60 percent); Lapu-Lapu City sa 17,838 (64 percent); Talisay City sa 8,329 (69 percent); Naga City sa 3,163 (40 percent); Minglanilla sa 4,139 (52 percent); Consolacion sa 2,189 (24 percent); Cordova sa 1,499 (60 percent); ug Liloan sa 4,502 (60 percent).
Sa ikaduhang doses sa 18 pataas, ang Cebu City nakatala og 21,658 jabs (120 percent); Mandaue City sa 5,797 (102 percent); Lapu-Lapu City sa 15,476 (226 percent); Talisay City sa 3,754 (299 percent); Naga City sa 704 (165 percent); Minglanilla sa 1,618 (113 percent); Consolacion sa 2,163 (130 percent); Cordova sa 410 (90 percent); ug Liloan sa 1,577 (65 percent).