Si Acting Mayor Michael Rama nipahibawo nga ang tanang kapin sa 5,000 ka job order nga mga kawani sa City Hall makadawat og mga bonus, apan di cash.
“I have asked Jun ( Floro Casas Jr.) to sit down with the local finance department to see how much worth in kind we shall give to the Job order employees,” matod ni Rama.
“I want to make my employees happy,” tataw ni Rama.
Matod ni Rama nga angay usab nga ang mga kawani sa kagamhanan mamahimong maayong ehemplo ngadto sa mga Sugboanon pinaagi sa pagpabakuna, motrabaho og tinud-anay, magmaligdong ug limpyo kon motrabaho
“January is the judgement day. I will decide those whom I will renew or not, based on performance,” dugang ni Rama.
Matod sa acting mayor nga iyang ibalik ang Human Resources Management sa City Hall.
Iyang patambungon og virtual lecture ni Professor Josephus Jimenez sa Dominggo ang 9,000 kapin ka mga kawani.
“We have to be together until June 30. What is important is that when we get back, we will put our best foot forward and offer the best performance for the people. Politics is nothing without performance. Performance takes care of politics,” dugang ni Rama.
Ang pamahayag ni Rama iyang giluwatan human siya nipahibawo sa miaging semana nga mohatag ang City Hall og P20,000 nga bonus sa tanang mga regular ug casual nga mga kawani.